Viðbrögð við gagnrýni verð gagnrýni ?

Það vakti athygli mína í Kastljósi í kvöld að vegamálastjóri fór ekki í vörn og þrætti ekki fyrir þau mistök sem hans stofnun virðist hafa gert varðandi Grímseyjarferjuna. Hann sagðist bera ábyrgðina og ætla að taka tillit til þeirra alvarlegu athugasemda sem komu fram í skýrslu um málið.

Athygli mín var vakin vegna þess að það er svo langt síðan ég hef heyrt einhvern embætttismann, eða nokkurn mann með völd tala svona. Það sem maður er vanur er að það er farið í vörn, stokkið íniðrí  skotgrafir; hótað málsókn eða krafist rannsókna þegar einhver leyfir sér að gagnrýna hlutina. Mér dettur í hug dæmi s.s.  þegar neytendasamtökin könnuðu verðlagninguna hjá Bónus og fleirum eða þegar einhver leyfir sér að gagnrýna verk Björns Bjarnasonar....

.....bara svona pæling.

Athugasemdir

[Högni Jóhann Sigurjónsson, 14.8.2007 kl. 20:44]

Já ég tók eftir þessu líka og verð að viðurkenna að hann fékk einn plús hjá mér enn mínusarnir eru bara svo margir áður að það dugði skammt.

[Guðný Anna Arnþórsdóttir, 14.8.2007 kl. 23:15]

Já, ég fæ alltaf endurnýjaða trú á mannkynið, þegar einhver viðurkennir mistök og fer ekki í vörn i svona málum. Andstæðan er nefnilega hið viðtekna og venjulega.

[Ingólfur Ásgeir Jóhannesson, 16.8.2007 kl. 18:59]

Og hann Guðmundur Heiðar áðan í RÚV um framúrkeyrslu HA, sjá mína færslu í dag.

Annars mun Vegagerðin hafa verið afar vel rekin, auðvitað ekki yfir gagnrýni hafin, en það er kannski þess vegna sem vegamálastjóri er ekkert feiminn við að viðurkenna mistök. Annars heyrist mér nú að þetta sé ráðuneytinu að kenna, en auðvitað er Sturla, fv. ráðherra alsaklaus, að eigin sögn.

[Marta B Helgadóttir, 16.8.2007 kl. 23:09]

Nú vil eg helst bergmála það sem Högni segir - alveg.

[Halldór Sigurðsson, 17.8.2007 kl. 20:53]

Þetta Grímseyjarferjumál , minni dálítið mikið á gömlu bresku þættina -- Já Ráðherra

[Þorbjörg Ásgeirsdóttir, 17.8.2007 kl. 21:31]

Jú ...... maður/kona skilur nú margt mikið betur eftir að hafa horft á þá þætti.